വാർഷിക ബജറ്റ് 2025-2026
കിളിമാനൂർ ഗ്രാമപഞ്ചായത്തിൻറെ സമഗ്ര വികസനവും ജനക്ഷേമവും ലക്ഷ്യമിട്ടുള്ള 2025-26 സാമ്പത്തിക വർഷത്തെ വാർഷിക ബജറ്റ് അവതരിപ്പിച്ചു. കാർഷിക മുന്നേറ്റം, പശ്ചാത്തല സൗകര്യ വികസനം, പാർശ്വവൽക്കരിക്കപ്പെട്ടവരുടെ ക്ഷേമം എന്നിവയ്ക്ക് ഊന്നൽ നൽകിക്കൊണ്ടുള്ള ധനസമാഹരണ-വിനിയോഗ നിർദ്ദേശങ്ങളാണ് ഈ വർഷത്തെ ബജറ്റിന്റെ പ്രധാന സവിശേഷത.
പ്രധാന ബജറ്റ് വിഹിതങ്ങളും മുൻഗണനകളും:
കൃഷിയും അനുബന്ധ മേഖലകളും: തരിശുരഹിത പഞ്ചായത്ത് പദ്ധതി, വിത്തുവിതരണം, ക്ഷീരവികസനം, കർഷകർക്കുള്ള സബ്‌സിഡികൾ എന്നിവയ്ക്കായി പ്രത്യേക തുക നീക്കിവെച്ചു.
പശ്ചാത്തല വികസനം: ഗ്രാമീണ റോഡുകളുടെ നവീകരണം, കുടിവെള്ള ക്ഷാമം പരിഹരിക്കുന്നതിനുള്ള പദ്ധതികൾ, തെരുവ് വിളക്കുകളുടെ അറ്റകുറ്റപ്പണികൾ എന്നിവയ്ക്ക് പ്രാധാന്യം.
ആരോഗ്യവും വിദ്യാഭ്യാസവും: കുടുംബാരോഗ്യ കേന്ദ്രങ്ങളുടെ അടിസ്ഥാന സൗകര്യ വികസനം, ജനകീയ ആരോഗ്യ പദ്ധതികൾ, പൊതുവിദ്യാലയങ്ങളുടെ ഭൗതികസാഹചര്യങ്ങൾ മെച്ചപ്പെടുത്തൽ.
സാമൂഹ്യക്ഷേമം: ലൈഫ് മിഷൻ ഭവന പദ്ധതി, പട്ടികജാതി/പട്ടികവർഗ്ഗ ക്ഷേമ പദ്ധതികൾ, വനിതാ-ശിശു സൗഹൃദ പദ്ധതികൾ, തൊഴിലുറപ്പ് പദ്ധതികളുടെ ഏകോപനം.
മാലിന്യ സംസ്കരണവും പരിസ്ഥിതിയും: 'മാലിന്യമുക്തം നവകേരളം' പദ്ധതിയുടെ ഭാഗമായി ഹരിതകർമ്മസേനയുടെ പ്രവർത്തനം ശക്തമാക്കാനും ഉറവിട മാലിന്യ സംസ്കരണത്തിനും ഊന്നൽ.
