കിളിമാനൂർ
ഗ്രാമ പഞ്ചായത്ത്

കിളിമാനൂർ ഗ്രാമപഞ്ചായത്തിൻറെ 2023-2024 വർഷത്തെ വാർഷിക പദ്ധതി  രൂപീകരിച്ചിരിക്കുന്നത് പ്രാദേശിക വികസനവും ജനക്ഷേമവും ലക്ഷ്യമിട്ടാണ്. കേരള സർക്കാരിൻറെ 14-ആം പഞ്ചവത്സര പദ്ധതിയുടെ ഭാഗമായി തയ്യാറാക്കിയ ഈ വാർഷിക പദ്ധതിയിൽ ഉൾപ്പെടുത്തിയിരിക്കുന്ന മേഖല വിവരണം ചുവടെ ചേർക്കുന്നു.

1. പ്രധാന വികസന മേഖലകൾ 

• ഉൽപ്പാദന മേഖല : നെൽകൃഷി, പച്ചക്കറി കൃഷി പ്രോത്സാഹനം, ക്ഷീരവികസനം, മൃഗസംരക്ഷണം എന്നിവയ്ക്ക് പ്രത്യേക ഊന്നൽ നൽകുന്നു. കർഷകർക്കുള്ള സബ്‌സിഡികളും വിത്ത്-വള വിതരണവും ഇതിൽ ഉൾപ്പെടുന്നു.

• പൗരക്ഷേമവും പാർപ്പിടവും : പാവപ്പെട്ടവർക്ക് വീട് ഉറപ്പാക്കുന്നലൈഫ് മിഷൻ പദ്ധതിയുടെ തുടർച്ചയായ വിഹിതവും ഭവനരഹിതർക്കുള്ള സഹായങ്ങളും വാർഷിക പദ്ധതിയിലുണ്ട്.

• ആരോഗ്യവും ശുചിത്വവും: പ്രാഥമിക ആരോഗ്യ കേന്ദ്രങ്ങളുടെ നവീകരണം,  പാവപ്പെട്ടവർക്കുള്ള സൗജന്യ മരുന്ന് വിതരണം, മാലിന്യ സംസ്കരണത്തിനായി 'മാലിന്യമുക്ത നവകേരളം' ക്യാമ്പയിന്റെ ഭാഗമായുള്ള പ്രോജക്ടുകൾ.

• ഭൗതിക സാഹചര്യ വികസനം : ഗ്രാമീണ റോഡുകളുടെ ടാറിംഗ്,  മെറ്റലിംഗ്,  കുടിവെള്ള ക്ഷാമം പരിഹരിക്കാനുള്ള കിണർ/പൈപ്പ് ലൈൻ പദ്ധതികൾ. കേന്ദ്ര പദ്ധതിയായ തൊഴിലുറപ്പ് പദ്ധതി വഴിയുള്ള തൊഴിൽ ദിനങ്ങളും ആസ്തി നിർമ്മാണവും ഇതിന്റെ ഭാഗമാണ്. 

2. ഫണ്ടിന്റെ സ്രോതസ്സുകൾ 

ഈ വാർഷിക പദ്ധതി താഴെ പറയുന്ന പ്രധാന ധനസഹായങ്ങൾ സംയോജിപ്പിച്ചാണ് നടപ്പിലാക്കുന്നത്:

1. കേരള സർക്കാരിന്റെ വികസന ഫണ്ട് .
2. സ്പെഷ്യൽ കമ്പോണന്റ് പ്ലാൻ വഴിയുള്ള പട്ടികജാതി/പട്ടികവർഗ്ഗ വികസന ഫണ്ടുകൾ.
3. പതിനഞ്ചാം കേന്ദ്ര ധനകാര്യ കമ്മീഷൻ ഗ്രാന്റ്
4. തനത് ഫണ്ട്